Connect with us

Ísland

Orðið á götunni: Geitungurinn og Brilli til Akureyrar?

Orðið á götunni segir að Akureyringar séu í viðræðum við landsliðsmennina Ægir Þór Steinarsson og Brynjar Þór Björnsson um að þeir leiki með félaginu á næstu leiktíð.

Orðið á götunni: Geitungurinn og Brilli til Akureyrar?

Orðið á götunni segir að Akureyringar séu í viðræðum við landsliðsmennina Ægir Þór Steinarsson og Brynjar Þór Björnsson um að þeir leiki með félaginu á næstu leiktíð.

Ægir lék síðast hér á landi með KR en hann yfirgaf félagið í febrúar í fyrra og hélt til Spánar. Í 19 leikjum með KR var hann með 11,4 stig og leiddi deildina með 6,8 stoðsendingar per leik. Hann þekkir vel til nýráðins þjálfara Þórs, Hjalta Vilhjálmssonar, en þeir léku saman hjá Fjölni.

Brynjar er einn sigursælasti leikmaðurinn í sögunni en hann vann í vor sinn sjöunda Íslandsmeistaratitil á ferlinum. Hann hefur spilað með KR allan sinn feril utan eins tímabils með Jämtland Basket í Svíþjóð.

Orðið á götunni segir einnig að mögulegt sé að Tryggvi Hlinason taki annað tímabil með félaginu auk þess sem það hafi augastað á ónefndum þungaviktarmanni úr 1. deildinni. Gangi þetta allt eftir og að Darrel Lewis taki eitt tímabil í viðbót þá gæti Þór orðið í baráttunni um einhverja titla á næsta ári.

More in Ísland