Connect with us

Tindastóll fór snemma í sumarfrí þetta árið.

8. liða úrslitin kláruðust á helginni og gekk spá Fúsíjama TV að mestu eftir fyrir utan að við höfðum fullmikla trú á ÍR. Klikkum ekki á því aftur.

75% er þó ekki slæmt spáhlutfall auk þess sem við náðum réttum leikjafjölda hjá Grindavík-Þór og Keflavík-Tindastóll. Jeij.

KR (1) – Keflavík (6)

Innbyrðis: 2-0
Deildar- og bikarmeistarar KR stefna enn á að verða fyrsta liðið í 30 ár til að ná 4-Peat. Keflvíkingar eru þó fyrsta alvöru hraðahindrunin sem þeir mæta í úrslitakeppninni. KR tók báða innbyrðisleiki liðanna í vetur en þó mátti litlu muna að þeir köstuðu frá sér síðari leik liðanna þrátt fyrir að hafa haft 14 stiga forustu þegar 7 mínútur voru eftir. Keflavík er allt annað lið eftir að Friðrik Ingi Rúnarsson tók við stjórnartaumunum í febrúar en undir hans stjórn hefur liðið unnið 7 af 10 leikjum sínum í deild og úrslitakeppni. Auk þess að vera með einn besta þjálfara deildarinnar eru þeir með besta leikmann deildarinnar, einn besta leikstjórnandann og, ólíkt KR, eru flestir þeirra lykilmenn réttu megin við þrítugt.

Keflavík í 5 leikjum. Last það hér fyrst.

Stjarnan (2) – Grindavík (4)

Innbyrðis: 2-0
Justin Shouse er kominn aftur með látum eftir meiðsli og var lykilmaður í sópi Stjörnunnar á ÍR í fyrstu umferð. Frammistaða hans og Hlyns Bæringssonar (16,3 stig, 12,3 fráköst, 5,0 stoðsendingar) bættu alveg upp fyrir hversu horlélegur Anthony Odunsi var með sína 28,6% skotnýtingu. Líklegast getur þó leiðin ekki legið neitt annað en upp fyrir hann því Grindvíkingar gætu ekki spilað vörn til að bjarga lífi sínu. Þeir geta þó spilað smá sókn en 5 leikmenn hjá þeim voru með 10 stig eða meira að meðaltali á móti Þór í fyrstu umferð og hitti liðið í heild úr 54,6% skota sinna innan þriggja stiga línunnar. Á móti kemur að þá var enginn Hlynur Bæringsson að mæta þeim í teignum.

Stjarnan í 4 leikjum

More in Ísland