Upprisa körfuboltans á Akureyri heldur áfram því mikilvægasti leikmaður Keflavíkur síðastliðið tímabil, Þröstur Leó Jóhannsson, hefur ákveðið að halda norður og leika með Þór í 1. deildinni á komandi tímabili.
Benedikt Guðmundsson, nýráðinn þjálfari Þórs sagðist mjög ánægður með nýja leikmanninn í samtali við vefsíðu Þórs.
„Ég er virkilega ánægður að fá Þröst til okkar. Hann er ekki bara góður leikmaður heldur kemur hann með ákveðið viðhorf inn í leikmannahópinn sem kemur ekki fram í neinni tölfræði. Ég var mörg sumur með hann í yngri landsliðum og þar var hann frábær í hóp“
Stutt viðtal við Þröst þar sem hann fer yfir ástæður skiptanna má sjá á vefsíðu Þórs.
