Mynd: Karfan.is
Njarðvíkingar hafa samið við Stefan Bonneau um að hann leiki aftur með félaginu á næstkomandi leiktíð. Þetta eru góðar fréttir fyrir Njarðvíkinga og körfuboltann á Íslandi enda er Stefan einn besti og skemmtilegasti leikmaðurinn sem spilað hefur í deildinni undanfarin ár.
Stefan gjörbreytti liði Njarðvíkinga er hann gekk til liðs við það í desember í fyrra og hjálpaði þeim að ná fjórða sætinu í deildinni. Hann var með 36,9 stig, 7,0 fráköst og 5,1 stoðsendingar í deildarkeppninni. Í úrslitakeppninni skilaði hann 30,9 stigum, 8,1 fráköstum og 5,4 stoðsendingum. Besti leikurinn hans var svo klárlega í tvíframlengdum oddaleik í undanúrslitunum um Íslandsmeistaratitilinn þar sem hann skoraði 52 stig og tók 12 fráköst á 50 mínútum.
https://www.youtube.com/watch?v=_9IadQCMBqw
