Mynd: thorsport.is
Sindri Davíðsson, sem er 23 ára, er genginn aftur í raðir Þórs eftir árs veru á Stykkishólmi. Hann lék síðast með Þór í 1. deildinni tímabilið 2013-2014 og skilaði þá 12,1 stigi og 3,4 fráköstum í leik. Í vetur lék hann með Snæfelli í úrvalseildinni en fékk fá tækifæri. Hann kom við sögu í 18 leikjum félagsins og skoraði í þeim 7 stig.
Þór framlengdi einnig samninga sína við þrjá leikmenn, þá Einar Ómar Eyjólfsson, Sturlu Elvarsson og Svavar Sigurður Sigurðarson.
Einar Ómar Eyjólfsson er 21 árs og kom til Þórs frá Grindavík og á tvö tímabil að baki með Þór. Hann var annar stigahæsti leikmaður liðsins í vetur með 12,3 og tók auk þess 6,8 fráköst.
Mynd: thorsport.is
Sturla, sem verður 17 ára í sumar, kom við sögu í 4 leikjum í vetur og skoraði í þeim 3,7 stig að meðaltali. Mest skoraði hann 7 stig í vetur í leik á móti ÍA.
Svavar, sem einnig verður 17 ára á árinu, kom við sögu í 4 leikjum og var með 4,0 stig að meðatali í leik. Hann setti einnig mest 7 stig í einum leik, einnig á móti ÍA.
