Nökkvi Harðarson og Ingólfur Þorleifsson, formaður KFÍ. Mynd: KFÍ.is
Grindvíkingurinn Nökkvi Harðarson hefur ákveðið að taka hæfileika sína til vesturstrandarinnar og leika með KFÍ í 1. deildinni á komandi tímabili.
Nökkvi, sem er 19 ára, lék með Grindvíkinum í Domino’s deild karla á liðnu tímabili og kom við sögu í 7 leikjum. Hann er uppalinn hjá UMFG en hefur einnig verið á venslasamningi hjá ÍG undanfarin tvö tímabil og varð meðal annars 2. deildarmeistari með þeim tímabilið 2013-2014.
