Connect with us

Ísland

Birgir Örn framlengir við KFÍ

Fyrrum landsliðsmaðurinn Birgir Örn Birgisson hefur framlengt samning sinn við KFÍ og mun því stýra félaginu þriðja tímabilið í röð.

birgir-orn-birgisson-kfi-ingolfur-thorleifssonBirgir Örn og Ingólfur Þorleifsson, formaður KFÍ við undirskriftina. Mynd: KFÍ.is

Fyrrum landsliðsmaðurinn Birgir Örn Birgisson hefur framlengt samning sinn við KFÍ og mun því stýra félaginu þriðja tímabilið í röð.

Í frétt á KFÍ.is segir meðal annars:

Birgir Örn kom til starfa hjá félaginu fyrir tímabilið 2013-2014 og er því að hefur því sitt þriðja tímabil með meistaraflokk karla í haust.

Birgis bíður krefjandi og spennandi verkefni að byggja ofan á næsta tímabil en þá fengu margir ungir og óreyndir leikmenn tækifæri til að láta til sín taka í meistaraflokki og verður spennandi að sjá hvernig Birgi og strákunum tekst að byggja ofan á þá reynslu á komandi tímabili.

Birgir Örn hóf feril sinn í körfuknattleik í Bolungarvík en lék einnig með Þór á Akureyri og síðar Keflavík þar sem hann hampaði tveimur Íslandsmeistaratitlum auk þess að leika með landsliði Íslands. Áður en Birgir fluttist aftur vestur starfaði hann sem körfuknattleiksþjálfari um árabil í Þýskalandi við góðan orðstýr. Þess má svo geta að Birgir dustaði rykið af körfuboltaskónum síðasta tímabili með KFÍ lét sannarlega til sín taka á vellinum.

Birgir, sem lék 26 leiki með landsliði Íslands, tók skóna fram síðastliðin vetur með KFÍ þrátt fyrir að vera á fertugasta og fimmta aldursári. Hann kom við sögu í 8 leikjum og var með í þeim um 4 stig og rúmlega 3 fráköst per leik.

More in Ísland