Connect with us

Ísland

Al’lonzo Coleman í Stjörnuna

Bikarmeistarar Stjörnunnar í Garðabæ hafa náð samkomulagi við Al’lonzo Coleman um að leika með liðinu leiktíðina 2015-2016.

Bikarmeistarar Stjörnunnar í Garðabæ hafa náð samkomulagi við Al’lonzo Coleman um að leika með liðinu leiktíðina 2015-2016.

Coleman útskrifaðist úr UNC Presbyterian háskólanum árið 2012 þar sem hann skoraði 16.9 stig og greip 8.8 fráköst að meðaltali í Big South riðli fyrstu deildar háskólaboltans. Síðasta tímabil lék hann í næstefstu deild Argentínu þar sem hann skilaði 15.1 stigi og 6 fráköstum að meðaltali.

Á Facebook síðu Stjörnunar segir einnig:

Al’lonzo þykir klókur, fjölhæfur leikmaður í kringum körfuna sem getur skorað á marga vegu. Aðspurður sagði Hrafn Kristjánsson, þjálfari Stjörnunnar, hafa fylgst með Coleman og haft augastað á honum síðan hann útskrifaðist úr háskóla og því gripið tækifærið þegar hann bauðst nú. „Mér hefur alltaf fundist Coleman vera leikmaður sem myndi henta vel í deildina hér heima, fjölhæfur strákur sem er sterkur í teignum en getur líka gert aðra hluti mjög vel sem hjálpa liðinu“.

Leikmannahópur og þjálfarateymi karlaliðs Stjörnunnar er nú fullskipaður að sögn Hrafns nema eitthvað stórkostlega óvænt komi upp á fram að móti. „Við erum ánægðir með þann hóp sem við erum komnir með, teljum hann mátulega blöndu af eldri og yngri leikmönnum þar sem þeir eldri geta haldið áfram að styrkja þá yngri í sinni þróun. Hvort hópurinn nægi svo til að ná hinu aðalmarkmiði okkar sem snýr að árangri í öllum keppnum verður svo að koma í ljós þegar á hólminn er komið“.

Meðfylgjandi er myndskeið frá Coleman frá síðasta ári hans með UNC Presbyterian skólanum.

Facebook

More in Ísland