„Not bad for the seventh best player in the league.“

 

Ef einhver var í vafa þá kann Kobe þetta enn þá.

Það sem einkenndi leikinn dálítið var að það var reynt mikið af þriggja stiga skotum. Og ég legg áherslu á reynt því fjandinn hafi það þessi skot voru ekki að fara ofan í. Njarðvík tók 25 þrigga stiga skot og hitti sex á meðan KR tók 29 og hitti þremur. Samtals var þetta móðgandi léleg 16,6% skotnýting. Liðin múruðu hvorki meira né minna en 45 þriggja stiga skotum samtals í gær. Á tímabili klikkuðu liðin á 17 þriggja stiga skotum í röð. Þetta var ekkert minna en körfuboltaleg sjónmengun.

Mér fannst þetta sérstaklega áhugavert í ljósi þess að nú er þriggja stiga línan í 6,75 metra fjarlægð frá körfunni í stað 6,25. Ég hafði pælt dálítið í því hvort leikstíll íslenskra liða myndi breytast mikið við þetta. Evrópuboltinn í heild sinni byggist mikið í kringum þriggja stiga skotin í samanburði við NBA boltann (línan þar er í 7,24 metra fjarlægð). Ég taldi að þessi aukna fjarlægð myndi gera þó nokkrum mönnum ljóst að þeir væru ekki skyttur, en það virðist hafa verið þannig á undanförnum árum að næstum hver og einn einasti íslenski leikmaður telur sig vera skyttu af Guðs náð með algjörlega óumdeilt skotleyfi þegar þeir standa fyrir utan. Mönnum hlyti að vera ljóst að það er erfiðara á að skjóta á körfu sem er nú 50 cm lengra frá. Þetta gæti leitt til þess að þriggja stiga skotin yrðu færri, betur ígrundaðri og nýtingin þar af leiðandi hærri.

Horfandi á KR-Njarðvík leikinn þá sýndist mér ekkert hafa breyst. En auðvitað er glórulaust að draga ályktun af einum leik og því lagðist ég í smá tölfræðilega greiningu*. Ég tók saman meðaltal reyndra þriggja stiga skota og skotnýtingu liðanna í Iceland Express deildinni af þeim leikjum sem búnir eru. Þá bar ég það saman við Iceland Express deildarkeppnina í fyrra og svo einnig við NBA deildina í fyrra - svona til að sjá muninn á þessum tveim deildum. Aðeins þrjár umferðir eru búnar og þetta er mjög amatörsleg greining þannig að það er ekki hægt að draga of miklar ályktanir út frá þessu. 

Þriggja stiga skotum hefur fækkað um 18% og nýtingin minnkað um 2%. Nú hef ég ekki hugmynd um hver skekkjumörkin gætu verið en það virðist vera að liðin leggi upp með að taka færri þriggja stiga skot. Líklegast mun nýtingin batna eitthvað þegar líður á tímabilið. Leikmenn eru hugsanlega enn að venjast nýju línunni og almennt þá held ég að nýtingin fari ávallt batnandi með hverri umferð Spurningin er hinsvegar hvort að liðin eigi eftir að aðlagast og taka færri þriggja stiga skot eða fara í sama form og áður henda upp hátt í 25 þriggja stiga skotum í leik. Ég vonast til að sjá hið fyrra gerast því ég held að fleirri þriggja stiga skot = verri nýting, og það getur verið fjandi leiðinlegt að horfa á leik breytast í þriggja stiga keppni þegar liðin eru rétt svo að hitta einu af hverju þremur skotum 

* Tölfræðileg greining er eitthvað sem sárvantar í íslenskan körfubolta. Við erum mörgum ljósárum á eftir NBA boltanum í þeirri deild. 

** Miðað við 40 mínútur. Meðaltalið hjá NBA liði í venjulegum 48 mínútna leik er 18.

Tim Duncan vörumerkið var aldrei það heitasta í bransanum.

Gömul LeBron auglýsing frá því tímabili þegar hann var ekki hataðasti körfuknattleiksmaður jarðar.

Það var mikið.

Ricky Rubio hefur loksins ákveðið að sigla vestur um haf og spila í NBA deildinni. Þá eru tvö ár af spekúleringum hvort hann muni nokkurn tíman spila fyrir Minnesota lokið. Timberwolves aðdáendur ættu að fagna þessu - þeim veitir ekki af hjálpinni. Eru auk þess með annan valrétt í draftinu. Það skyldi þó ekki vera að planið hjá brjálaða vísindamanninum David Kahn sé að ganga upp?

Það verður áhugavert að sjá hvort Ricky geti verið alvöru leikmaður í NBA eða hvort hann sé ekkert nema hæpið. Hann hefur ekki staðið sig vel í ACB deildinni á Spáni frá því hann var draftaður 2009. Sérstaklega hefur hann verið að skjóta illa eða 39% í skotum. En það er enginn vafi að hann er einstakur sendingarmaður sem sér hluti sem aðrir sjá ekki. Hann varð vinsæll í gegnum Youtube á sínum tíma og það er því hæfi að skella á einu vídjói.

* hugmyndin var fengin frá The Basketball Jones.

Það er áhugavert að AK-47 skuli hafa ákveðið núna, þegar hann er 30 ára, að fá sér sitt fyrsta tattú - og það af karakter úr nördalegasta tölvuleik allra tíma. "If I feel like I want [a tattoo], I get one," sagði Kirilenko, sem skilur ekki þennan áhuga á nýja tattúinu hans.

Hann á auðvitað allan rétt á að fá sér tattú eins og 95% af öllum NBA leikmönnum. Bara frekar undarlegt sem fyrsta tattú þegar þú ert þrjátíu ára. Hann á hinsvegar langt í land með að ná Chris Andersen sem er óumdeildur konungur NBA leikmanna þegar það kemur að fáránlegum tattúveringum.

Fyrir ykkur sem eyðið tíma ykkar í fíkniefnið World of Warcraft þá er karakterinn hans Paladin sem er level 80.