NBA Finals: Like a Bosh!

Dwyane Wade stöffar boltanum ofan í körfuboltahringinn.

cHeat 88 - 86 Mavericks

[mynd 1 h]Það stefndi í einn eitt choke-job hjá Miami eftir að það klúðraði niður 14 stiga forystu en af öllum mönnum setti Chris Bosh sigurskotið þegar 40 sekúndur voru eftir. Dirk Nowitzki fékk tækifæri til að jafna leikinn en lokaskot hans geigaði og Miami fór með sigur í leik þrjú.

Dwyane Wade var besti maður vallarins og leiddi Miami liðið algjörlega. LeBron James virtist vera sáttur með að láta Wade stjórna leiknum og endaði einungis með 17 stig en gaf 9 stoðsendingar. Chris Bosh átti sigurkörfuna en fyrir utan það var hann frekar lélegur í leiknum. Hann skoraði 18 stig en þurfti 18 skot til þess og tók aðeins þrjú fráköst allan leikinn. Slíkur er styrkur Miami að það getur samt unnið leiki þó að stjörnuleikmenn eins og Bosh og LeBron eigi lélega leiki sóknarlega séð. Þegar LeBron var hjá Cleveland og átti svona off-leik þá var ekki séns fyrir liðið að vinna. 

Dirk Nowitzki var frábær (en ekki hvað) og skoraði 34 stig úr 11 af 21 í skotum, setti öll níu vítin sín, hirti 11 fráköst og varði þrjú skot. Sérstaklega var hann öflugur í fjórða þar sem hann skoraði síðustu 12 stig Dallas liðsins. Dirk fékk voða litla aðstoð þar sem flestir liðsfélagar hans voru frekar mistækir í leiknum. Jason Kidd var fína 9-6-10 línu en tapaði boltanum fjórum sinnum. 

Heitur: Dwyane Wade endaði leikinn með 29 stig úr 12 af 21 í skotum, 11 fráköst, þrjár stoðsendingar, stolin bolta og varið skot. Jon Barry (og eflaust margir aðrir því LeRobin var að trenda á twitter) sagði að þetta sannaði að Wade sé svokallaði "closer" í liðinu en ekki LeBron. Þessi ályktun er einstaklega heimskuleg í ljósi alls þess sem LeBron gerði í seríunum á undan. En hey, þegar körfuboltaspekingar fá séns til að gera lítið úr LeBron James þá sleppa þeir því ekki.

Rusl leiksins: Skotnýtingin hjá Dallas leikmönnum sem heita ekki Dirk Nowitzki. Ef þú tekur öll skot Dirk út þá fellur skotnýting liðsins úr 40% í 34.7%, þriggja stiga nýtingin úr 38.1% í 31.3% og vítanýtingin úr 81.5% í 72.2%. Hann getur þetta ekki einn maðurinn.

Quote leiksins: Einhver blaðamaðurinn sakaði LeBron um að höndla ekki pressuna seint í leikjum. Lebbs svaraði: "Watch what I did defensively and ask me a better question tomorrow".

Leiðinleg tölfræði leiksins: Þú heyrðir þetta í leiknum og munt heyra þetta aftur. Í þau 11 skipti frá því NBA Finals formattið breyttist í 2-3-2 og einvígið stendur 1-1 eftir fyrstu tvo leikina þá hefur liðið sem vann leik 3 ávallt unnið titilinn. Sem sagt, Miami Heat eru NBA meistarar 2011!

Twitter leiksins: @TheBillWalton. Af einhverri óskiljanlegri ástæðu er óendanlega gaman að hlægja að Chris Bosh - jafnvel í leikjum þegar hann hittir game winner.

Human-missile leiksins: Dwyane Wade fer á flug og tekur niður einn 38 ára gamlan Jason Kidd og einn 138 ára gamlan Dallas aðdáanda.

Flopp leiksins: Dwyane Wade með hræódýrt flopp. 

Hattur leiksins: Scottie Pippen skartaði þessum fáránlega hatti á leiknum. Menn hafa nú verið handteknir fyrir minna en þetta!