NBA Finals: Epískt kombakk, epískt tjók

Kidd og Dirk fagna meðan Wade horfir undrandi á Joey Crawford fyrir að hafa ekki keypt floppið sitt.

Mavericks 95 - 93 Heat

Þegar rúmar sjö mínútur voru eftir af fjórða leikhluta setti Dwyane Wade hornþrist og kom Miami 15 stigum yfir. Dallas tók leikhlé og Wade og LeBron James fögnuðu eins og apar fyrir framan bekkinn hjá Dallas (sjá að neðan). Það sem fylgdi var 22-5 áhlaup hjá Dallas sem jafnaði seríuna. Wade og LeBron gerðu það sem þeir gera verst, þ.e. skjóta illa ígrunduðu þristum, Dallas spilaði góða vörn, hitti skotum og Dirk dró liðið í land.

Það var jafnt í hálfleik 51-51 en í þriðja leikhluta tók Miami forystuna fljótlega. Tapaðir boltar hjá Dallas breyttust í háloftatilþrif hjá LeBron og Wade. Á tímabili leit þetta út eins og fullvaxta karlmenn á hestasterum gegn litlum pissublautum mömmustrákum en einhvern veginn var Dallas aldrei langt undan. Meira að segja Bibby var að spila vel og hitta skotum. Á tímabili í þriðja var hann með fleiri stig en Dirk Nowitzki og spekingar og besserwisserar þegar búnir að gefast upp á Dallas (meðal annars sá sem skrifar þetta). En ef það er eitthvað sem maður ætti að vera búinn að læra frá þessu Dallas liði þá er það að það gefst aldrei upp og engin forysta gegn þeim er örugg. 

Nú verða þrír næstu leikir haldnir í American Airlines Center í Dallas. Það er bara gleðiefni fyrir körfuboltaáhugamenn að Dallas skuli hafa jafnað seríuna. Ég hefði lagt fjölskyldudjásnið undir að Dallas hefði aldrei geta unnið seríuna ef þeir hefðu lent 0-2 undir.

Heitur: Dirk Nowitzki á síðustu mínútunum. 9 síðustu stig Dallas. Svægi.

Rusl leiksins: Chris Bostrich. 12 stig og átta fráköst á 40 mínútum. 4 af 16 í skotum og lét Dirk bruna framhjá sér á síðustu sekúndum leiksins og skora game winner. Tveir lélegir leikir í röð hjá þriðja hjólinu.

Fögnuður leiksins: Þetta kveikti víst í Dallas og startaði kombakkið hjá þeim. Hestaskítur. Ef þú ert að spila í NBA Finals þá áttu ekki að þurfa einhverja auka mótiveringu, auk þess sem þessi "fögnuður" er engu meiri en hvert annað NBA lið gerir á þessum tímapunkti þegar það hittir stóru skoti og hitt liðið tekur leikhlé.

Steve Nash leiksins: Meistari Nash mætti á svæðið ásamt nýju kærustunni. Vel gert Nash, vel gert.

Twitter leiksins: @ronartest gefur okkur öllum auka ástæðu til að halda með Dallas Mavericks. Ó Guð láttu Dallas vinna þrjá í röð. 

Alley-oop merki leiksins: Það er sama hvað Bostrich gerir, það er allt eitthvað svo aulalegt.