Kaaaahnnnn!

David Kahn, framkvæmdarstjóri Minnesota Timberwolves

• 

  Við minnumst ekki einu sinni á ummæli hans í nýliðavalinu í ár.
  Skipti Al Jefferson burtu fyrir Kosta Koufus og tvo valrétti (annar varð að Donatas Motiejunas). Jefferson var með 19 stig og 10 fráköst á síðasta tímabili á meðan Koufus var með 3 stig í 39 leikjum fyrir Timberpoops áður en honum var skipt til Denver. Jefferson þurfti náttúrulega að fara til þess að Kevin Love myndi blómstra, en það þýddi samt ekki að Kahn ætti að skipta honum burtu fyrir notaðan klósetpappír og klink.
• Gaf Darko "Manna from Heaven" Milicic 4 ára, 20 milljón dollara samning. Darko, sem hafði lýst því yfir að hann ætlaði að hætta í NBA og fara aftur til Evrópu var ekki lengi að skipta um skoðun þegar Kahn veifaði þessum samningi framan í hann. Og hvað fékk Kahn fyrir þessar milljónir? 9 stig, 5 fráköst og 2 varin skot per leik. Darko hefur alltaf haft hæfileikana en það eru að minnsta kosti 5 ár síðan allir sáu að hann hefur ekki hjartað til að spila í deildinni. Allir nema Kahn það er að segja.
• Valdi Jonny Flynn með sjötta valréttinum árið 2009 rétt eftir að hann valdi Ricky Rubio með þeim fimmta. Ef við horfum framhjá þeim sögum að valið á Flynn hafi valdið því að Rubio ákvað að koma ekki til liðsins þá um haustið, þá hefur Flynn samt verið algjört bust í deildinni. Það lítur sérstaklega illa út í ljósi þess að maðurinn sem var valinn á eftir honum í nýliðavalinu var Stephen Curry.
• Réð Kurt Rambis sem þjálfara liðsins sumarið 2009. Kurt, sem er þekktastur fyrir að hafa verið tæklaður í leik af forvera sínum hjá Timberwolves, passaði aldrei fyrir hópinn sem Kahn var búinn að safna saman enda sást það á árangrinum sem var 32 sigrar og 132 töp. Enn verra var svo hvernig Kahn stóð að brottrekstri Kurts frá félaginu því í stað þess að reka hann strax og tímabilið var búið þá drógu Kahn það fram í miðjan júlí þrátt fyrir að vera löngu búinn að ákveða örlög hans. Og til að topp fagmennsku sína þá gat Kahn ekki sagt honum upp í eigin persónu heldur lak því í fjölmiðlana og lét Rambis frétta það þannig.
• Hann réð Rick Adelman sem næsta þjálfara liðsins. Nema hvað hann gerði það ekki. Sögurnar sem nú berast eru á þá leið að Adelman finnist Kahn vera svo mikill bjáni að allar samningarviðræðurnar hans við félagið fóru í gegnum eigandann, Glen Taylor. Þetta er bara uppskrift að áhugaverðu tímabil.

Ég veit ekki hvort hann Kahn sé versti framkvæmdarstjórinn í deildinni (Isiah Thomas er nú enn að tosa í einhverja strengi hjá New York) en ég veit að næsta tímabil þá verður einhver staðar í frosnum auðnum Minnesota Rick Adelman að öskra þessi orð...